بلوچستان ہاوس میں سابق رکن قومی اسمبلی عطا قریشی کی اہلیہ پر حملہ کیس میں سابق وزیر بلوچستان حاجی طور خان سمیت 5 افراد کو ملزمان نامزد کر دیا گیا۔ مقدمہ میں سابق رکن قومی اسمبلی عطا قریشی کی بیوہ نے مقف اختیار کیا ہے کہ وہ بیٹے کے ہمراہ بلوچستان ہاوس میں رہتی ہیں، گزشتہ روز 5 افراد زبردستی گھر میں داخل ہوئے، ملزمان نے میرے بیٹے اور مجھے تشدد کا نشانہ بنایا۔ مرحوم کی اہلیہ نے مزید بتایا کہ ملزمان نے انہیں قتل کی دھمکیاں دیں، میرا پہلے بھی ایک بیٹا قتل ہوچکا ہے، ملزمان کے خلاف قانونی کارروائی کی جائے۔ مقدمہ کے اندراج کے بعد سیکرٹریٹ پولیس نے واقعے کی تحقیقات شروع کر دیں۔

کریڈٹ: انڈیپنڈنٹ نیوز پاکستان-آئی این پی