آزاد کشمیر سے تعلق رکھنے والے پاک فوج کے شہدا کے اہلِ خانہ نے یومِ دفاع و شہدا کے موقع پر قوم کے نام اپنے پیغام میں کہا ہے کہ ہمارے شہیدوں کا خون اس بات کا ثبوت ہے کہ پاکستان ہی ہماری پہچان اور ہماری منزل ہے۔شہیدوں کی وردی پر لگا خون ہمارے لئے سب سے بڑا زیور اور سب سے بڑا اعزاز ہے۔ شہدا کی قربانی سے لگے چراغ کی روشنی پوری قوم کے دلوں میں آج بھی جل رہی ہے۔شہدا کے لواحقین نے واضح کیا کہ وہ بھی وطن کی خاطر اپنی جان قربان کرنے سے کبھی دریغ نہیں کریں گے۔شہدا کے اہلِ خانہ کا عزم و ہمت اس حقیقت کو واضح کرتا ہے کہ ان کے پیاروں کی شہادت نے ان کے حوصلوں اور وطن سے محبت کو مزید جلا بخشی ہے۔آزاد کشمیر کے باشندوں نے بھی باقی صوبوں کی طرح پاکستان کی بقا اور حرمت کو اسی طرح برقرار رکھنے کے لئے اپنے بہادر بیٹوں کو ہمیشہ وطن پر قربان کیا ہے۔

کریڈٹ: انڈیپنڈنٹ نیوز پاکستان-آئی این پی