سابق وفاقی وزیر داخلہ رانا ثنا اللہ نے کہا ہے کہ ملک کے حالات تب ہی سدھریں گے جب ووٹ کی طاقت سے حکومت مدت پوری کرے گی، اگر اب نفرت کی سیاست ہوئی تو ملک کا نقصان ہوگا،عوامی اجتماع سے خطاب کرتے ہوئے رانا ثنا اللہ نے کہا کہ کوئی ملک یا گھر نفرت کی بنیاد پر قائم نہیں رہ سکتا،انہوں نے کہا کہ ایک فرد اگر پاگلوں کی طرح کہے کسی کو نہیں چھوڑوں گا تو ایسے گھر یا ملک نہیں چلتے،سابق وفاقی وزیر کا کہنا تھا کہ ملک میں دہشتگردی اور لوڈشیڈنگ کو 2017تک ہم نے ختم کیا،رانا ثنا اللہ نے کہا کہ قومی اسمبلی میں شہباز شریف نے چئیرمین پی ٹی آئی سے میثاق معیشت کی بات کی، بلاول بھٹو زرداری نے بھی کہا آپ قدم بڑھائیں مگر اس شخص نے جھوٹے مقدمے اور نفرت کے علاوہ کچھ کام نہیں کیا،رانا ثنا اللہ کا مزید کہنا تھا کہ 21اکتوبر کو نواز شریف نے ملک کی خدمت کا پیغام دیا۔

کریڈٹ: انڈیپنڈنٹ نیوز پاکستان-آئی این پی