آئی جی ایف سی بلوچستان سائو تھ نے ہونہار طلبہ کیلئے خصوصی اسکالرشپ فنڈ کے قیام کا اعلان کر دیا۔انسپکٹر جنرل فرنٹیئر کور بلوچستان سائو تھ نے تربت لا کالج کا خصوصی دورہ کیا، دورے کے دوران ان کی فیکلٹی ممبران اور طلبہ کے ساتھ خصوصی نشست ہوئی۔طلبہ نے بلوچستان کی ترقی میں نوجوانوں کے کردار پر اپنے خیالات کا اظہار کیا۔ طلبہ نے کہا کہ ہم کھوئی ہوئی نسل نہیں بلکہ وہ نسل ہیں جس کا بلوچستان کو طویل عرصے سے انتظار تھا۔طالب علموں نے کورٹ پروسیڈنگ کے ذریعے پیشہ ورانہ مہارت کا عملی مظاہرہ بھی پیش کیا۔اس موقع پر آئی جی ایف سی بلوچستان سائو تھ نے کہا کہ طلبہ وکالت کے مقدس پیشے کے ذریعے عوامی خدمت اور انصاف کی فراہمی کو اپنا شعار بنائیں۔انہوں نے ہونہار طلبہ کیلئے خصوصی اسکالرشپ فنڈ کے قیام کا اعلان کیا اور کالج میں سولرائزیشن کیلئے حکومتِ بلوچستان سے معاونت کی یقین دہانی کروائی۔طلبہ اور فیکلٹی ممبران نے امن و ترقی کے فروغ میں FC بلوچستان ساتھ کے کردار کو بھرپور سراہا۔

کریڈٹ: انڈیپنڈنٹ نیوز پاکستان-آئی این پی