اولڈ ایج بینیفٹ (ای او بی آئی) پنشنرزکیلئے خوشخبری ، جنوری سے پنشن میں ہونے والا اضافہ تمام پنشنرز کو اگست کی پنشن کے ساتھ بمہ واجبات یکم ستمبر کو ملے گا۔اولڈ ایج بینیفٹ میں جو بنیادی پنشن میں 1500 روپے اضافہ کیا گیا تھا وہ تمام واجبات کے ساتھ ستمبر کی پنشن میں تمام پنشنرز کو ملے گا۔ اس سلسلے میں ای او بی آئی کے ذرائع نے تصدیق کی ہے کہ ستمبر کو ملنے والی پنشن میں تمام بقایا جات کے ساتھ پنشن مل جائیگی۔ ای او بی آئی پنشن میں 1500 روپیہ ماہانہ اضافہ ہوا تھا جو کہ یکم جنوری 2025 سے دیا جائے گا۔یاد رہے کہ وفاقی حکومت نے جنوری 2025 سے ای او بی آئی پنشن 10 ہزار روپے سے بڑھا کو 11 ہزار 500 روپے کی تھی جس کی وفاقی کابینہ نے منظوری بھی دی تھی۔

کریڈٹ: انڈیپنڈنٹ نیوز پاکستان-آئی این پی