فرنٹیئر ورکس آرگنائزیشن اورپاکستان پیٹرولیم لمیٹڈ کے مابین معدنیات کی کھوج کے سمجھوتے پر دستخط کردئیے گئے،6مارچ کو فرنٹیئر ورکس آرگنائزیشن اورپاکستان پیٹرولیم لمیٹڈ کے مابین معدنیات کی کھوج کے سمجھوتے پردستخط کی تقریب منعقد ہوئی،خصوصی سرمایہ کاری سہولت کونسل کے تعاون سے پاکستان کے معدنیات کے شعبے میں ایک نئے باب کا آغاز ہو گیا،فرنٹیئر ورکس آرگنائزیشن اور پاکستان پیٹرولیم لمٹیڈ کا اپنے متعلقہ شعبوں کے استعمال سے بلوچستان کے علاقے چاغی میں تحقیق کے لئے شراکت پر اتفاق کیا گیا۔اس شراکت کامقصد عالمی معیار کے تانبے اور سونے کی دریافت کے منصوبے پر باہمی تعاون کو یقینی بنانا ہے،اس منصوبے کے تحت بین الاقوامی مہارت سے فائدہ اٹھاتے ہوئے مقامی وسائل کا بھرپور استعمال کیا جائے گا،یہ اشتراک پاکستان کے معدنیاتی شعبے میں ترقی کی راہ ہموار کر کے ملک کو سماجی اور معاشی ترقی کی راہ پر گامزن کرے گا۔

کریڈٹ: انڈیپنڈنٹ نیوز پاکستان-آئی این پی