ایف سی بلوچستان (نارتھ)کی 2023کے دوران انسداد اسمگلنگ کارروائیوں کی اعدادوشمار جاری کردی گئی،تفصیلات کے مطابق ایف سی نارتھ نے دیگر اداروں کے ہمراہ بلوچستان کے مختلف علاقوں میں سال 2023کے دوران اسمگلرز کیخلاف بھرپور کارروائیاں جاری رکھیں۔ چینی، یوریا کھاد، گندم اور دیگر اشیا کی بڑی مقدار میں اسمگلنگ ناکام بنا دی گئی،ایف سی بلوچستان نارتھ نے 2023میں 3ہزار 437میٹرک ٹن چینی اور 2ہزار 441میٹرک ٹن یوریا کھاد قبضے میں لی، 71ہزار لٹر ڈیزل اور 1378میٹرک ٹن گندم کی اسمگلنگ بھی ناکام بنا دی گئی،رپورٹ کے مطابق ملزمان یہ تمام اشیا ٹرکوں اور بسوں میں چھپا کر اسمگل کر رہے تھے جو قبضے میں لے لی گئیں۔ ایف سی بلوچستان کی جانب سے اسمگلنگ کیخلاف مثر کارروائیاں جاری رہیں گی۔

کریڈٹ: انڈیپنڈنٹ نیوز پاکستان-آئی این پی