نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں منگل سے 27 اپریل تک شدید گرمی کی لہر کا الرٹ جاری کردیا ہے۔رپورٹ کے مطابق محکمہ موسمیات کی جانب سے بتایا گیا ہے کہ گزشتہ 24 گھنٹے کے دوران سب سے زیادہ درجہ حرارت جیکب آباد میں 43 ڈگری سینٹی گریڈ ریکارڈ کیا گیا، کراچی منگل کو بھی ہیٹ ویو کی لپیٹ میں رہے گا جہاں پارہ 41 ڈگری تک سینٹی گریڈ تک جانے کا امکان ہے۔خیبر پختونخوا، گلگت بلتستان اور آزاد کشمیر کے مختلف علاقوں میں بارش کی پیشگوئی کی گئی ہے۔واضح رہے کہ شہر قائد میں گزشتہ 2 روز سے ہیٹ ویو اور شدید گرمی کی لہر برقرار ہے۔کراچی میں گزشتہ دو دن سے سمندری ہوائیں معطل ہیں، درجہ حرارت 40.4 ڈگری تک پہنچ گیا تھا، جس کی وجہ سے شہریوں کی بڑی تعداد کو ڈی ہائیڈریشن کے مسائل کا سامنا کرنا پڑا۔طبی ماہرین مشورہ دیتے ہیں کہ شدید گرم موسم میں شہری گھروں سے غیر ضروری طور پر باہر نہ نکلیں، بالخصوص بزرگوں اور بچوں کا خیال رکھیں، پانی کا متوازن استعمال کیا جائے، معیاری خوراک کو کھانوں کا حصہ بنایا جائے۔

کریڈٹ: انڈیپنڈنٹ نیوز پاکستان-آئی این پی