لاہور ڈویژن اور دیگر شہروں سے شائع ہونے والے اخبارات کے آڈٹ کے جائزہ کے لئے پی اے سی میٹنگ کا انعقاد،میٹنگ میںاخبارات کے آڈٹ سمیت گزشتہ برس کے شمارہ جات کی تعداد، سرکولیشن اور آئندہ سال کی سرکولیشن سے متعلق تجاویز اورلائحہ عمل تریب دیا گیا ،بدھ کو یہاں ہونے والی پی اے سی میٹنگ میں آڈٹ بیورو آف سرکولیشن کی جانب سے ریجنل ہیڈ لالہ رخ واحد چیمہ، ڈی جی پی آر کے ڈائریکٹر جاوید حامد اعوان اور پی آئی ڈی لاہور کی نمائندگی انفارمیشن آفیسر کنزہ اشرف نے شرکت کیـ میٹنگ میں لاہور ڈویژن اور دیگر شہروں میں شائع ہونے والے اخبارات کے آڈٹ کا تفصیلی جائزہ لیا گیاـ اخبارات میں گزشتہ سال کے شمارہ جات کی تعداد اور سرکولیشن کو زیر غور لایا گیا اور آئندہ سال سرکولیشن سے متعلق تجاویز اور لائحہ عمل ترتیب دیا گیاـ اس موقع پر آڈٹ بیورو لاہور کی آڈٹ ٹیم کی ممبران ماریہ خان اور فائزہ تنویر ظیغم بھی موجود تھیںـ میٹنگ میں شعبہ اشاعت سے متعلق دیگر امور پر بھی تبادلہ خیال کیا گیا-ـ

کریڈٹ: انڈیپنڈنٹ نیوز پاکستان-آئی این پی