الیکشن کمیشن نے عام انتخابات میں غیرملکی میڈیا اور مبصرین کو مدعو کرلیا۔ الیکشن کمیشن کے مطابق غیرملکی میڈیا اور مبصرین کی رجسٹریشن کیلیے اوپن ڈور پالیسی رکھی گئی ہے،کسی بھی غیرملکی صحافی اور مبصرکو تمام کوائف اور دستاویزات جمع کرانا ہوں گے۔ غیرملکی صحافی اور مبصر کو حکومت پاکستان سے سیکیورٹی کلیئرنس لانا لازمی ہوگی،کسی بھی سیاسی جماعت سے وابستہ افراد کی بطور آبزرور رجسٹریشن نہیں کی جائیگی۔ یاد رہے کہ الیکشن کمیشن نے عام انتخابات جنوری 2024 کو کرانیکا اعلان کر رکھاہے۔

کریڈٹ: انڈیپنڈنٹ نیوز پاکستان-آئی این پی