امریکا اور ایران کے درمیان سیز فائر کے بعد جنگ بندی مذاکرات کیلئے جامع مذاکرات پاکستان کے دارالحکومت اسلام آباد میں ہوں گے۔سفارتی ذرائع کے مطابق جنگ بندی کے لئے مذاکرات کل (جمعہ (کو اسلام آباد میں ہوں گے جس کیلئے تیاریاں مکمل کی جا رہی ہیں۔ذرائع کا کہنا ہے کہ اسلام آباد میں ہونے والے مذاکرات میں امریکا اور ایران کی اہم شخصیات شریک ہوں گے۔ذرائع کے مطابق ایران کی جانب سے ایرانی پارلیمنٹ کے اسپیکر قالیباف اور وزیر خارجہ عباس عراقچی شرکت کریں گے جبکہ امریکا کی جانب سے نائب صدر اور صدر ٹرمپ کے مشیر اسٹیو وٹکوف کی شرکت متوقع ہے۔خیال رہے کہ پاکستان کی مسلسل کاوشوں کے نتیجے میں امریکا اور ایران نے دو ہفتوں کی جنگ بندی پر اتفاق کیا ہے، پاکستان کی کوششوں کا بین الاقوامی سطح پر بھی اعتراف کیا جا رہا ہے جبکہ امریکی و ایرانی حکام نے بھی جنگ بندی کے لیے پاکستانی اقدامات کی تعریف کی ہے۔

کریڈٹ: انڈیپنڈنٹ نیوز پاکستان-آئی این پی