وزیراعظم شہباز شریف نے کہا ہے کہ انسانی سمگلنگ روکنے کی ہماری کوششوں کو سراہا گیا ہے۔اپنے ایک بیان میں وزیر اعظم شہباز شریف کا کہنا تھا کہ برسلز میں وزیر داخلہ محسن نقوی اور یورپی یونین کے کمشنر برائے داخلی امور کے درمیان پیشرفت قابل غور ہے، دونوں رہنمائوں کے درمیان تارکین وطن سے متعلق نمایاں پیش رفت پر خوشی ہوئی۔انہوں نے کہا کہ انسانی سمگلنگ روکنے کی ہماری کوششوں کو برسلز اور لندن میں سراہا گیا ہے۔شہباز شریف کا مزید کہنا تھا کہ فریقین نے باہمی دلچسپی کے شعبے میں تعاون کے فروغ کیلئے تعمیری ملاقاتیں کیں، وزیر داخلہ اور ان کی ٹیم کی کارکردگی قابل تعریف ہے۔

کریڈٹ: انڈیپنڈنٹ نیوز پاکستان-آئی این پی