ترجمان اوگرا عمران غزنوی نے کہا ہے کہ غیرمعیاری گیس سلینڈرز اور غیرقانونی گیس فلنگ کا دھندہ ختم نہ ہونے کی وجہکم سزائیں ہیں ۔اپنے ایک بیان میں ترجمان اوگرا نے کہاہماری تجویزکردہ سزائوں کوقانون کاحصہ بنالیاگیاتو اس غیرقانونی کاروبار کی روک تھام ممکن ہوگی،دھماکے کا سبب بننے والیغیرمعیاری سلینڈر اورغیرقانونی گیس فلنگ کے مرتکب افراد کے خلاف کارروائی اوگرا نہیں بلکہ ضلعی انتظامیہ کی ذمہ داری ہے۔ترجمان اوگرا نے مزیدکہاغیرمعیاری سلینڈر،بازرزبنانے والی فیکٹریوں پر چھاپے پڑتے ہیں،معمولی جرمانے ادا کرکے فیکٹریاں دوبارہ کھول لی جاتی ہیں،سڑکوں چوراہوں پر ری فیلنگ بھی غیر قانونی اور موت کا کھیل ہے،بھاری جرمانوں سے متعلق قانون سازی حتمی مراحل میں ہے،معیاری سلنڈربنانے والی تمام کمپنیز ہماری ویب سائٹ پر لسٹڈ ہیں،اوگرا ٹیکنیکل اتھارٹی ہے،صوبائی یا ضلعی حکومتیں تحقیقات کیلئے رابطہ کرتی ہیں،اوگرا کے پاس کوئی معلومات آئے تو صوبائی یاضلعی حکام سے شیئرکی جاتی ہے۔

کریڈٹ: انڈیپنڈنٹ نیوز پاکستان-آئی این پی