ایک نئی تحقیق میں یہ بات سامنے آئی ہے کہ اونٹ کے آنسو بہت قیمتی ہیں اور انسان کی جان بچا سکتے ہیں۔راجستھان میں نیشنل ریسرچ سینٹر آن کیملز کے محققین نے ایک نئی تحقیق میں یہ دریافت کیا ہے کہ اونٹ کے آنسو اور اینٹی باڈیز سانپوں کی 26 مختلف اقسام کے زہر کا اثر ختم کرنے کے لیے موثر دوا کے طور پر کام کر سکتی ہیں۔تحقیق کے نتائج کے مطابق اونٹ کے آنسوئوں اور خون سے حاصل کی جانے والی اینٹی باڈیز زہر کے مہلک اثرات کو بے اثر کر سکتے ہیں خاص طور پر زہر کے ان اثرات کو جو خون بہنے میں روکاوٹ کا باعث بنتے ہیں۔یہ اینٹی ڈوٹ ناصرف زہر کے مہلک اثرات کو بیاثر کرنے کے لیے زیادہ موثر ثابت ہوا ہے بلکہ ہارس امیونوگلوبلین (IgG) پر مبنی روایتی علاج کے مقابلے میں کم خطرناک بھی ہے۔اس تحقیق کے نتائج کو سانپ کے کاٹنے سے ہونے والی اموات اور معذوریوں سے دوچار ہونے والے خطوں اور خاص طور پر بھارت کے دیہی علاقوں کے لیے گیم چینجر کے طور پر سراہا جا رہا ہے۔یاد رہے کہ دنیا میں سانپ کے کاٹنے سے سب سے زیادہ اموات بھارت میں ہوتی ہیں۔ایک اندازے کے مطابق بھارت میں سالانہ سانپ کے کاٹنے سے 58 ہزار اموات اور 1 لاکھ 40 ہزار سے زائد مستقل معذوری کے واقعات رپورٹ ہوتے ہیں۔

کریڈٹ: انڈیپنڈنٹ نیوز پاکستان-آئی این پی