پاکستان تحریک انصاف کے کارکنوں پر 14اگست کو دھرنے کی منصوبہ بندی کرنے کا مقدمہ درج کرلیا گیا۔ تفصیل کے مطابق پی ٹی آئی کے کارکنوں کے خلاف یہ مقدمہ تھانہ شہزاد ٹائون میں درج کیا گیا، جس میں امن عامہ ایکٹ سمیت 8دفعات شامل کی گئی ہیں۔واضح رہے کہ پی ٹی آئی کارکنان کو شہزاد ٹائون کے علاقے سے گرفتار کیا گیا تھا۔مقدمے کے متن کے مطابق ہوسٹل سٹی میں تقریبا 40 پی ٹی آئی کارکنان دھرنے کے حوالے سے کانفرنس کررہے تھے۔ پولیس چھاپے پر پی ٹی آئی کارکنان بینرز اور ڈنڈوں سے لیس تھے۔ پی ٹی آئی کارکنان نے اشتعال انگیز نعرے بازی شروع کردی۔مقدمے کے مطابق پی ٹی آئی کارکنان 14 اگست کو دھرنے میں شامل ہونے کا منصوبہ بنا رہے تھے۔ پولیس کو دیکھ کر پی ٹی آئی کارکنان نے مزاحمت کی اور دھاوا بول دیا۔

کریڈٹ: انڈیپنڈنٹ نیوز پاکستان-آئی این پی