اسلام آباد ہائیکورٹ میں عافیہ صدیقی رہائی و وطن واپسی سے متعلق کیس کل29 اکتوبر کو لارجر بنچ میں سماعت کے لیے مقرر کر دیا گیا۔رجسٹرار آفس نے کیس سماعت کے لئے مقرر کرنے کی کازلسٹ جاری کردی، اسلام آباد ہائی کورٹ نے کیس کی سماعت کے لیے چار رکنی لارجر بینچ تشکیل دے رکھا ہے۔جسٹس ارباب محمد طاہر چار رکنی لارجر بنچ کی سربراہی کریں گے ، جسٹس خادم حسین سومرو ، جسٹس اعظم خان اور جسٹس راجہ انعام امین منہاس بنچ میں شامل ہوں گے۔اس سے قبل بنچ کے ایک رکن کی عدم دستیابی پر گزشتہ سماعت منسوخ ہوگئی تھی، یکم ستمبر کو جسٹس انعام امین منہاس نے لارجر بنچ کے لیے فائل چیف جسٹس کو بھیج دی تھی، اس سے قبل یہ کیس جسٹس سردار اعجاز اسحاق خان کی عدالت میں زیر سماعت تھا۔جسٹس سردار اعجاز اسحاق نے گزشتہ سماعت پر وزیراعظم اور کابینہ ارکان کو توہین عدالت کے نوٹسز جاری کیے تھے ، جسٹس سردار اعجاز اسحاق کے ٹیکس کیسز کے لیے سپیشل ڈویژن بنچ کا حصہ بننے کے بعد سنگل بنچ کے کیسز ٹرانسفر کر دئیے گئے تھے۔

کریڈٹ: انڈیپنڈنٹ نیوز پاکستان-آئی این پی