وفاقی دارالحکومت اسلام آباد کے تھانہ کھنہ کی حدود میں کنویں کی صفائی کے دوران ایک مزدور جاں بحق ہو گیا۔تفصیل کے مطابق اسلام آباد میں کنویں کی صفائی کے دوران ایک مزدور کی جان چلی گئی، ریسکیو حکام کا کہنا ہے کہ مزدور کنویں کی صفائی کے دوران زہریلی گیس کا شکار ہوا۔نور زاد گل کی لاش کنویں سے نکال کر پمز اسپتال منتقل کر دی گئی ہے، مزدور کے لواحقین نے کنویں کے مالک کے خلاف قتل کے مقدمے کی درخواست دے دی۔درخواست میں کہا گیا ہے کہ کنویں کے مالک کو علم تھا کہ کنویں میں گیس ہے، مگر اس نے یہ بات چھپائی، واضح رہے کہ پچھلے سال بھی کنوئیں کی صفائی کے وقت گیس سے ایک مزدور انتقال کر گیا تھا۔

کریڈٹ: انڈیپنڈنٹ نیوز پاکستان-آئی این پی