اسلام آباد اور راولپنڈی اور خیبرپختونخوا کے مختلف علاقوں میں زلزلے کے شدید جھٹکے محسوس کئے گئے ۔محکمہ زلزلہ پیما کے مطابق ریکٹر اسکیل پر زلزلے کی شدت پانچ اعشاریہ سات ریکارڈ کی گئی جس کا مرکز کوہ ہندوکش تھا۔محکمہ زلزلہ پیما کے مطابق جمعہ کی صبح اسلام آباد اور راولپنڈی میں زلزلے کے جھٹکے آئے، جن کی شدت 5.7 ریکارڈ کی گئی۔ زلزلے کا مرکز کوہ ہندوکش اور گہرائی تقریبا 12 کلومیٹر تھی۔زلزلے کے جھٹکے ف اسلام آباد اور راولپنڈی کے علاقوہ خیبرپختونخوا کے مختلف علاقوں میں بھی محسوس کیے گئے۔مالاکنڈ ، دیر اور چترال سمیت بالائی علاقوں میں زلزلے کے جھٹکے محسوس کیے گئے۔ زلزلے کے جھٹکے خیبر لنڈی کوتل اور مضافات میں بھی محسوس کیے گئے۔زلزلے کے بعد لوگوں میں خوف وہراس پھیل گیا،تاحال کسی جانی و مالی نقصان کی اطلاع موصول نہیں ہوئی۔

کریڈٹ: انڈیپنڈنٹ نیوز پاکستان-آئی این پی