وفاقی دارلحکومت اسلام آباد میں کالے شیشوں اور غیر نمونہ/فینسی نمبر پلیٹس اور عارضی نمبر و بغیر رجسٹریشن گاڑیوں کے خلاف روزانہ کی بنیاد پر جاری آپریشن کے دوران ڈائریکٹر ایکسائز کی نگرانی میں 5 ناکہ جات پر کاروائیاں، 158 گاڑیوں کے چالان کئے گئے اور غیر نمونہ نمبر پلیٹس اور کالے شیشوں پر بھاری جرمانے عائد کرتے ہوئے 9 لاکھ 4 ہزار کی ٹوکن ٹیکس ریکوری کی گئی ۔تفصیل کے مطابق ڈائریکٹر جنرل ایکسا ئز اسلام آباد عرفان نواز میمن کی ہدایت پراور ڈائریکٹر ایکسائز اینڈ ٹیکسیشن ڈیپارٹمنٹ بلال اعظم کی زیر نگرانی ایکسائز ٹیم نے زیرو پوائنٹ ، فیض آباد، ایف سیون ، ایف سکس اور G-14 گردونواح میں گاڑیوں کو چیک کیا، جن میں رنگ برنگے شیشے اور فینسی نمبر پلیٹس کی وجہ سے گاڑیوں کی رجسٹریشن معطل کر دی گئی، اور ان گاڑیوں کی رجسٹریشن اب رنگ برنگے شیشے اور فینسی نمبر پلیٹس کو اتروانے کے بعدجرمانہ ادا کرنے کے بعد بحال کر دی جائے گی ۔ ڈائریکٹر ایکسائز اسلام آباد بلال اعظم نے اسلام آباد کے شہریوں سے اپیل کی ہے کہ گاڑیوں کے ٹوکن ٹیکس بروقت جمع کروائیں اور فینسی نمبر پلیٹس اتار دیں اور صرف ایکسائز اینڈ ٹیکسیشن ڈیپارٹمنٹ کے منظور شدہ نمبر پلیٹس کا استعمال کریں تاکہ کاروائی سے بچا جاسکے اور بھاری جرمانوں سے بچ سکیں۔واضح رہے کی ایکسائز اینڈ ٹیکسیشن ڈیپارٹمنٹ کا آپریشن روزانہ کی بنیاد پر جاری ہے۔

کریڈٹ: انڈیپنڈنٹ نیوز پاکستان-آئی این پی