وفاقی دارالحکومت میں کشمیر چوک کے قریب نامعلوم افراد نے پولیس اہلکار پر چاقو سے حملہ کردیا ۔ زخمی اہلکار کو تشویشناک حالت میں اسپتال منتقل کر دیا گیا۔پولیس ذرائع کے مطابق اے ایس آئی امتیاز احمد کے بازو، پیٹ اور گردن پر چاقو کے گہرے زخم آئے ہیں۔ واقعے کے فورا بعد پولیس کی بھاری نفری جائے وقوعہ پر پہنچ گئی اور علاقے کی ناکہ بندی کر کے حملہ آوروں کی تلاش شروع کردی۔پولیس نے واقعے کی تمام پہلوئو ں سے تحقیقات کا آغاز کر دیا ۔ سی سی ٹی وی کیمروں کی مدد سے ملزمان کی شناخت کی کوشش کی جا رہی ہے۔ حملے کا شکار ہونے والا اے ایس آئی امتیاز احمد سیکیورٹی ڈویژن میں تعینات ہے۔

کریڈٹ: انڈیپنڈنٹ نیوز پاکستان-آئی این پی