پنجاب کی سینئر وزیر مریم اورنگزیب نے کہا ہے کہ اسموگ کی وجہ سے کاروبارِ زندگی شدید متاثر ہوسکتا ہے، حکومت اسموگ سے نمٹنے کے لئے عملی اقدامات کر رہی ہے۔مریم اورنگزیب نے کنیئرڈ کالج لاہور میں خطاب کرتے ہوئے کہا کہ پنجاب کی تاریخ میں پہلی بار پلاسٹک بیگ کے استعمال پر پابندی عائد کی گئی ہے، عوام کے تعاون کے بغیر فضائی آلودگی پر قابو نہیں پایا جاسکتا۔انہوں نے کہا کہ ہمیں اسموگ کی وجوہات کا خاتمہ کرنا اور اپنی فضا کو صاف ستھرا رکھنا ہے، ایئر کوالٹی انڈیکس میں بہتری کیلئے اقدامات کئے گئے ہیں۔صوبائی وزیر نے کہا کہ اینٹوں کے بھٹوں کو زگ زیگ ٹیکنالوجی پر منتقل کیا گیا ہے، پنجاب بھر کیلئے اسموگ وار روم قائم کیا گیا ہے، کسی بھی قسم کی خلاف ورزی کی اطلاعکیلئے ہیلپ لائن قائم کی گئی ہے۔ان کا مزید کہنا تھا کہ پنجاب حکومت نے صاف ماحول کیلیے آگاہی مہم بھی شروع کی ہے۔

کریڈٹ: انڈیپنڈنٹ نیوز پاکستان-آئی این پی