اسپیکر قومی اسمبلی ایازصادق نے پارلیمنٹ لاجز توسیعی منصوبے کی لاگت میں اضافے کا نوٹس لے لیا، منصوبہ جلد سے جلد اور کم سے کم پیسوں میں مکمل کرنے کا حکم دیدیا۔ اسپیکر کی کاوشوں سے منصوبے کیلئے مطلوبہ فنڈز فراہم کردیے گئے۔ سردار ایاز صادق نے مزید تاخیرکی صورت میں تمام متعلقہ اداروں کے خلاف قانونی چارہ جوئی کا حکم دے دیا ۔ اسپیکر نے کہا پارلیمنٹ لاجز کی توسیع میں تاخیر کی وجہ سے ارکان پارلیمنٹ کو شدید مشکلات کا سامنا ہے۔ ارکان قومی اسمبلی متعد بار اس حوالے سے اپنے خدشات کا اظہار کر چکے ہیں ۔ سی ڈی اے کی پارلیمنٹ لاجز میں توسیع کا فیز ون موجودہ مالی سال میں مکمل کرنے کی یقین دہانی کرادی ۔ اسپیکر نے پارلیمنٹ لاجز میں توسیع کا فیز ٹو اگلیمالی سال تک مکمل کرنے کی ہدایت کر دی ۔ گذشتہ ادوار میں فنڈز کی عدم فراہمی کے باعث منصوبہ تعطل کا شکار رہا ۔

کریڈٹ: انڈیپنڈنٹ نیوز پاکستان-آئی این پی