باجوڑ کی تحصیل ماموند میں گزشتہ روز ہونے والے دھماکے کا مقدمہ تھانہ سی ٹی ڈی باجوڑ میں درج کرلیا گیا۔ مقدمے میں 7 اے ٹی اے قتل اور اقدام قتل سمیت دیگر دفعات شامل ہیں۔ متن کے مطابق پولیس اہلکاروں کو مختلف بیسک ہیلتھ یونٹس(بی ایچ یوز) میں ڈیوٹی کے لیے لے جایا جارہا تھا، اس دوران پولیس وین پر دھماکا ہوگیا جس میں 7 اہلکار جاں بحق اور 27 زخمی ہوگئے۔ واضح رہے کہ باجوڑ کی تحصیل ماموند میں گزشتہ روز پولیو ٹیم کی سیکیورٹی کے لیے جانے والی پولیس کی گاڑی کے قریب دھماکا ہوا تھا جس کے نتیجے میں 7 پولیس اہلکار جاں بحق اور 27 افراد زخمی ہوگئے۔

کریڈٹ: انڈیپنڈنٹ نیوز پاکستان-آئی این پی