ملک کے مختلف علاقوں میں آ ئندہ 24گھنٹوں میں بھی بارش کا امکان ہے۔محکمہ موسمیات کے مطابق خطہ پوٹھوہار ، بالائی خیبر پختونخوا اور کشمیر میں کہیں کہیں بارش متوقع ہے۔اس کے علاوہ کراچی سمیت ساحلی علاقوں میں مطلع جزوی ابر آلود رہنے کی توقع ہے۔دوسری جانب فلڈ فورکاسٹنگ ڈویژن لاہور کے مطابق دریائے سندھ میں تربیلا بیراج پر نچلے درجے کا سیلاب برقرار ہے۔ دوسری جانب ڈیزاسٹر مینجمنٹ اتھارٹی پنجاب نے کہا ہے کہ دریائے سندھ میں کالا باغ بیراج پر نچلے درجے کے سیلاب کا سامنا ہے۔پی ڈی ایم اے کے مطابق تربیلا ،چشمہ، تونسہ، گڈوو، سکھر اور کوٹری بیراج پر بہا معمول کے مطابق ہے، دریائے جہلم، چناب، راوی، ستلج، کابل کے اہم مقامات کے ساتھ ان کے ملحقہ نالوں میں بھی بہاو معمول کے مطابق ہے۔دریائے راوی نالہ بسنتر میں نچلے درجے کی سیلابی صورتحال ہے، کوہ سلیمان/ ڈیرہ غازی خان ڈویژن کے پہاڑی برساتی نالوں/رود کوئیوں میں کوئی بہا نہیں ہے۔تربیلا ڈیم 96 فیصد جبکہ منگلا ڈیم 64 فیصد بھرا ہوا ہے، تربیلا ڈیم میں پانی کی سطح 1546.00 فٹ جبکہ منگلا ڈیم میں 1206.20 فٹ ہے۔

کریڈٹ: انڈیپنڈنٹ نیوز پاکستان-آئی این پی