سندھ میں ممکنہ بارشوں اور سیلاب کے خدشے کے پیش نظر محکمہ زراعت کے تمام افسران اور عملے کی چھٹیاں منسوخ کردی گئیں۔ترجمان محکمہ زراعت کے مطابق ڈی جی زراعت کے دفتر حیدر آباد میں رین ایمرجنسی سیل قائم کردیا گیا ہے۔ ہنگامی صورتحال میں کسان مدد کیلئے رابطہ کرسکیں گے۔ تیس اضلاع میں ڈائریکٹرز اور ڈپٹی ڈائریکٹرز فوکل پرسن مقرر کردیا گیا ہے۔سندھ کے تمام اضلاع اور تپے کی سطح پر ایمرجنسی سینٹرز قائم کردیا گیا۔ سندھ کے وزیر زراعت نے کسانوں کی فوری مدد کو یقینی بنانے کے احکامات جاری کردئیے گئے ہیں۔

کریڈٹ: انڈیپنڈنٹ نیوز پاکستان-آئی این پی