سینئر سیاستدان مشاہد حسین سید نے کہا ہے کہ پاکستان کی جوابی کارروائی کے بعد بھارت بھاگا ہوا صدر ٹرمپ کے پاس گیا اور منتیں کیں کہ خدا کے لیے پاکستان سے بچائو۔ ایک انٹرویو میں مشاہد حسین سید کا کہنا تھا کہ پچھلے 63سالوں میں بھارت کو دوسری مرتبہ فوجی، سیاسی، سفارتی سطح پر بڑی ناکامی ہوئی ہے۔ان کا کہنا تھا کہ اس سے قبل بھی 1962 میں بھارت نے چین سے زبردست پھینٹی کھائی تھی، اس کے بعد یہ بھارت کی پاکستان کے ہاتھوں بدترین شکست ہے۔انہوں نے بتایا کہ بھارت نے پہلے دونوں رائونڈز میں شکست کھائی پھر صدر ٹرمپ کے پاس بھاگے اور اس سے منتیں کیں کہ خدا کے لیے پاکستان سے بچائو۔انہوں نے کہا کہ شاید یہ سلسلہ پہلے رائونڈ کے بعد ہی رک جاتا کیونکہ دنیا بھر سے بس کریں بس کریں کی آوازیں آرہی تھی لیکن جب بھارتی تکبر بڑھتا ہوا نور خان ایئر بیس پہنچ گیا تو وہاں اس نے ریڈ لائن کراس کرلی۔مشاہد حسین سید کا کہنا تھا کہ نریندر مودی اب اپنے اختتام کی طرف جا رہا ہے جس طرح نہرو حکومت کا خاتمہ ہوا تھا 1962 میں، کیونکہ موجودہ صورتحال کے بعد مودی کا پاکستان کیخلاف بنایا گیا سارا بیانیہ اور حکمت عملی سب زمیں بوس ہوگئی۔

کریڈٹ: انڈیپنڈنٹ نیوز پاکستان-آئی این پی