بھارتی آبی جارحیت سے زیر آب کرتار پور ا حاطے سے پانی کی نکاسی مکمل ہوگئی جس کے بعد مرکزی شاہراہ ٹریفک کیلئے بحال کردیا گیا ۔درشن ڈیوڑھی، مرکزی چیک پوائنٹ، استقبالیہ کیبن روم، پارکنگ اسٹینڈ، بازار، مرکزی پارک اور لنگرخانہ پانی سے کلیئر کر دئیے گئے۔پنجاب میں سیلاب سے کرتارپور کا پورا علاقہ زیر آب آگیا تھا ۔مرکزی چیک پوائنٹ سے زیرو پوائنٹ امیگریشن آفس تک مرکزی شاہراہ بھی ٹریفک کے لئے بحال کر دی گئی ہے تاہم کرتار پور کے احاطے میں موجود کھیت اب بھی زیر آب ہیں۔ریسکیو حکام کے مطابق متاثرہ دیہات سے متاثرین کے انخلا کے لئے ریسکیو آپریشن جاری ہے اور کرتار پور کے ملحقہ دیہات سے اب تک 600 افراد کو محفوظ مقامات پر منتقل کیا جا چکا ہے۔

کریڈٹ: انڈیپنڈنٹ نیوز پاکستان-آئی این پی