وزیر اطلاعات سندھ شرجیل میمن نے کہا کہ بھارتی ایئر چیف کا بیان فیس سیونگ کی کوشش ہے، پاکستان نے بھارت کو عبرتناک شکست دی، بھارتی حکومت اور بھارتی فوج جھوٹے بیانات کا سہارا لے رہی ہے، بدترین شکست کے بعد بھارتی رہنما عوام کو منہ دکھانے کے قابل نہیں رہے۔میڈیا سے گفتگو کرتے ہوئے شرجیل میمن نے کہا کہ ایک سوال پر کہا پی ٹی آئی نے 5 اگست کو یوم استحصال کشمیر پر 9 مئی جیسے احتجاج کی کال دی، بانی چاہتے ہیں ملک میں زیادہ سے زیادہ بے چینی پھیلائیں، عوام اب بانی کیلئے ملک کے خلاف چلنے کو تیار نہیں، پی ٹی آئی کی 9 مئی کے بعد دوبارہ کچھ کرنے کی ہمت نہیں ہوئی۔صوبائی وزیر نے مزید کہا کہ جشن آزادی پر کسی سازش کو کامیاب نہیں ہونے دیا جائے گا، 13 اگست کو نیشنل سٹیڈیم میں شاندار آتش بازی کا مظاہرہ ہوگا۔

کریڈٹ: انڈیپنڈنٹ نیوز پاکستان-آئی این پی