بلوچستان اسمبلی کا اجلاس آج صبح 11بجیہو گا،گورنر بلوچستان ملک عبدالولی کاکڑ نے اسمبلی کا طلب کیا ہے ، اجلاس سے متعلق اسمبلی سیکرٹریٹ نے نوٹیفکیشن جاری کر دیا، اجلاس کے دوران نومنتخب اراکین اسمبلی اپنی رکنیت کا حلف اٹھائیں گے،اجلاس اسمبلی رکنیت کا حلف نہ اٹھانے والے اراکین کے لئے طلب کیا گیا ہے۔دوسری جانب9مارچ کو بلوچستان اسمبلی ہال میں صبح 10بجے سے شام 4بجے تک صدارتی انتخاب کے لئے اجلاس طلب کیا گیا ہے، اجلاس سے متعلق متعلقہ محکموں کو بھی مراسلے جاری کردیئے گئے۔بلوچستان اسمبلی کے 65ارکان کے ایوان میں اب تک 58اراکین اسمبلی حلف اٹھا چکے ہیں ، سردار اختر جان مینگل اور جام کمال خان کی جانب سے صوبائی اسمبلی کی نشستیں چھوڑنے کے باعث دو نشستیں خالی ہوگئیں۔آج ہونے والے جلاس میں نومنتخب اراکین اسمبلی سردار صالح بھوتانی ، نور محمد دمڑ، محمد خان لہڑی، ظفر زہری اور چیئرمین سینیٹ صادق سنجرانی کی جانب سے حلف اٹھانے کا امکان ہے۔

کریڈٹ: انڈیپنڈنٹ نیوز پاکستان-آئی این پی