بلوچستان میں کوٹ لانگو کے قریب موٹر سائیکلوں پر سوار مسلح افراد کے لیویز چیک پوسٹ حملے میں ایک لیویز اہلکار جاں بحق ہوگیا جبکہ مستونگ میںمسلح دہشتگردوں کیمسافر کوچ پر فائرنگ کے نتیجے میں 6 افراد زخمی ہوگئے۔تفصیل کے مطابق موٹر سائیکلوں پر سوار مسلح افراد نے کوٹ لانگو کے قریب لیویز چیک پوسٹ پر حملہ کیا، جس کے نتیجے میں ایک لیویز اہلکار جاں بحق ہوگیا، جس کی شناخت حق نواز لانگو کے نام سے ہوئی۔دوسری جانب بلوچستان کے ضلع مستونگ میں مسلح دہشتگردوں کی فائرنگ سے چھ افراد زخمی ہوگئے، ریسکیو ذرائع کے مطابق مسلح افراد نے کھڈکوچہ کے مقام پر کراچی جانیوالی مسافر کوچ کو نشانہ بنایا گیا۔ریسکیو حکام کا کہنا ہے کہ زخمیوں میں خاتون اور دو بچے بھی شامل ہیں، ملزمان فائرنگ کے بعد فرار ہوگئے، زخمیوں کو شہید نواب غوث بخش رئیسانی اسپتال منتقل کردیا گیا۔حکام کا کہنا ہے کہ علاقے میں آپریشن شروع کر دیا گیا ہے، اور رات گئے ہائی وے پر ٹریفک بحال کردی گئی ۔

کریڈٹ: انڈیپنڈنٹ نیوز پاکستان-آئی این پی