صدر مملکت آصف علی زرداری نے کہا ہے کہ پاکستان اور ترکمانستان کے درمیان بہترین تعلقات ہیں،بہتر علاقائی روابط سے اقتصادی تعاون مضبوط بنانے میں مدد ملے گی، ترکمانستان کے دارلحکومت اشک آباد میں منعقدہ بین الاقوامی فورم "وقت اور تہذیبوں کا باہمی تعلق: امن و ترقی کی بنیاد" سے خطاب کرتے ہوئے کہا کہ اشک آباد فورم کے انعقاد پر ترکمانستان حکومت اور عوام کو مبارکباد دیتا ہوں۔انہوں نے کہا کہ پاکستان اور ترکمانستان کے درمیان بہترین تعلقات ہیں، پاکستان اور ترکمانستان کے تعلقات باہمی احترام، مشترکہ عقیدے بہتر اور پرامن مستقبل کے مشترکہ وژن پر مبنی ہیں۔آصف زرداری نے کہا کہ فورم میں شرکت دونوں ممالک کے تعلقات کو مزید مضبوط کرے گی، بہتر علاقائی روابط سے اقتصادی تعاون مضبوط بنانے میں مدد ملے گی۔صدر مملکت نے مزید کہا کہ خطے میں امن اور خوشحالی کے لیے پرعزم ہیں، خطے کے ممالک میں روابط کے فروغ پر توجہ مرکوز کرنا ہوگی۔ بہتر علاقائی روابط سے ثقافتی اور اقتصادی تعاون مضبوط بنانے میں مدد ملے گی۔ صدر مملکت نے کہا علامہ محمد اقبال اور مخدوم گلی فراغی نے اپنی شاعری اور افکار میں تصوف اور قومیت پر مشترکہ خیالات کا اظہار کیا۔مخدوم گلی فراغی نہ صرف ایک شاعر بلکہ ترکمان لوگوں کے جذبے، امنگوں، حب الوطنی کی علامت ہیں، مخدوم گلی فراغی کی شاعری آج بھی زندہ، ہمیں رہنمائی، تحریک اور اتحاد کا احساس دلاتی ہے مخدوم گلی سیاسی و سماجی بدامنی کے دور میں پیدا ہوئے، ترکمان قبائل منتشر اور منقسم تھے۔ مخدوم گلی نے اپنی زندگی ترکمان عوام کو متحد دیکھنے کے خواب کے لیے وقف کی ۔مخدوم گلی فراغی کے کام کے فروغ، خطے کی قیادت کے ساتھ بات چیت کا موقع فراہم کرنے پر ترکمان صدر کو سراہتے ہیں، صدر مملکت نے کہا فورم کے انعقاد سے خطے کے ممالک کے درمیان تعلقات مضبوط بنانے میں مدد ملے گی، صدر مملکت یقین ہے کہ فورم خطے کے ممالک کے درمیان ثقافتی تعاون کی نئی راہیں ہموار کرے گا۔

کریڈٹ: انڈیپنڈنٹ نیوز پاکستان-آئی این پی