گوانگ چو میں پاکستان کے قائم مقام قونصل جنرل سردار محمد نے کہا کہ چائنا آسیان ایکسپو پاکستان کو اپنی مصنوعات کی نمائش اور متعلقہ کمپنیوں اور سرمایہ کاروں کے ساتھ تجارت اور کاروباری تعاون کی نئی راہیں تلاش کرنے کے لئے ایک قابل قدر پلیٹ فارم فراہم کرتی ہے۔گوادر پرو کے مطابق قائم مقام قونصل جنرل نے ٹریڈ اینڈ انویسٹمنٹ قونصلر کے ہمراہ 20 ویں چائنا آسیان ایکسپو کی افتتاحی تقریب میں شرکت کی اور پاکستان پویلین اور ایونٹ میں شریک پاکستانی کمپنیوں کے سٹالز کا دورہ کیا۔ سردار نے کہا کہ ایکسپو ایک سالانہ ایونٹ ہے جو شریک ممالک کے درمیان اقتصادی اور تجارتی تعاون میں سہولت فراہم کرتا ہے۔ اس تقریب میں مختلف شعبوں سے تعلق رکھنے والے کاروباری اداروں، سرکاری عہدیداروں اور صنعت کے ماہرین سمیت شرکا کی ایک وسیع رینج کو اپنی طرف متوجہ کرتی ہے۔ گوادر پرو کے مطابق انہوں نے مزید کہا کہ میلے میں پاکستان کو ایک بڑا علاقہ مختص کیا گیا ہے جہاں 23 پاکستانی کمپنیاں زیورات، قیمتی پتھروں، دستکاریوں، چمڑے کی مصنوعات اور قالینوں سمیت پاکستانی مصنوعات کی متاثر کن نمائش کے ساتھ شرکت کر رہی ہیں۔ گوادر پرو کے مطابق قائم مقام قونصل جنرل نے پاکستانی کمپنیوں کے سٹالز کا دورہ کیا اور ان کے نمائندوں سے بات چیت کی۔ ایکسپو میں شرکت اور متاثر کن بوتھ قائم کرنے پر انہیں سراہا گیا۔ انہیں طویل مدتی تعاون قائم کرنے کے مقصد سے زائرین اور خریداروں کے ساتھ فعال طور پر مشغول ہونے کی ترغیب دی گئی۔ انہیں ان کی مصنوعات کی مارکیٹنگ میں قونصلیٹ جنرل کی جانب سے مکمل تعاون کی یقین دہانی کرائی گئی۔ گوادر پرو کے مطابق قائم مقام قونصل جنرل نے پاکستانی کمپنیوں کے سٹالز کا دورہ کیا اور ان کے نمائندوں سے بات چیت کی۔ ایکسپو میں شرکت اور متاثر کن بوتھ قائم کرنے پر انہیں سراہا گیا۔ انہیں طویل مدتی تعاون قائم کرنے کے مقصد سے زائرین اور خریداروں کے ساتھ فعال طور پر مشغول ہونے کی ترغیب دی گئی۔ انہیں ان کی مصنوعات کی مارکیٹنگ میں قونصل یٹ جنرل کی جانب سے مکمل تعاون کی یقین دہانی کرائی گئی۔

کریڈٹ: انڈیپنڈنٹ نیوز پاکستان-آئی این پی