آذربائیجان کے سفیر خضر فرہادوف نے کہا ہے کہ پاکستانی تجارت براستہ آذربائیجان، یورپ اور روس تک رسائی حاصل کر سکتی ہے۔نگران وزیر شاہد اشرف تارڑ  نے کہاہے کہ چیئرمین ریلویز کو آذربائیجان کے ساتھ ریل روٹ جوڑنے کی ہدایات کی ہے وقت آگیا ہے کے اپنے اچھے تعلقات کو اقتصادی تعاون میں بدلا جائے۔ پیرکو نگران وفاقی وزیر برائے مواصلات، ریلویز، اور سمندری امور شاہد اشرف تارڑ نے آذربائیجان کے سفیر خضر فرہادوف سے ملاقات کی ملاقات میں  باہمی دلچسپی کے امور پر تبادلہ خیال کیاگیا۔آذربائیجان کے سفیر خضر فرہادوف نے کہاکہ پاکستان اور آذربائیجان کا تعلق ہر لحاظ سے بے مثال ہے،پاکستان اور آذربائیجان کے بیچ براہ راست پرواز کا آغاز کرنے کے بعد ہم دونو ممالک کو ریلوے اور روڈ سے جوڑنا چاہتے ہیں، ہماری توجہ اقتصادی تعاون کو فروغ دینے پر ہے، ہم پاکستان کو بین الاقوامی ٹرانسپورٹ کا حصہ بنا کر تمام علاقائی ممالک سے جوڑنا چاہتے ہیں،پاکستانی تجارت براستہ آذربائیجان، یورپ اور روس تک رسائی حاصل کر سکتی ہے، تجارت کو فروغ دینے کے لیے اس منصوبے میں پرائیویٹ سیکٹر کو شامل کیا جائے۔ نگران وزیر شاہد اشرف تارڑ  نے کہاکہ چیئرمین ریلویز کو آذربائیجان کے ساتھ ریل روٹ جوڑنے کی ہدایات دے دی ہیں، وقت آگیا ہے کے اپنے اچھے تعلقات کو اقتصادی تعاون میں بدلا جائے، پاکستان اور آذربائیجان کے درمیان ٹرانزٹ ٹریڈ معاہدے کو جلد سے جلد حتمی شکل دی جائے، مجھے امید ہے کہ دونو ممالک مل کر فل فوران تجاویز کو عملی شکل دیں گے۔(محمداویس)

کریڈٹ: انڈیپنڈنٹ نیوز پاکستان-آئی این پی