چیئرمین سینیٹ سید یوسف رضا گیلانی نیکارڈینل رابرٹ پری ووسٹ کو کیتھولک مسیحیوں کا نیا پوپ منتخب ہونے پر دل کی گہرائیوں سے مبارکباد پیش کی ہے۔ اپنے تہینیتی پیغام میں چیئرمین سینیٹ نے کہا کہ رابرٹ پری ووسٹ کی بطور نیا کیتھولک رہنما بننا نہ صرف عالمی مسیحی برادری کے لیے اہم موقع ہے بلکہ بین المذاہب ہم آہنگی اور امن کے فروغ میں بھی ایک سنگ میل ثابت ہو سکتی ہے۔انہوں نے امید ظاہر کی کہ رابرٹ پری ووسٹ دنیا بھر میں رواداری، محبت اور بھائی چارے کے فروغ کے لیے اپنا کردار ادا کرتے رہیں گے۔ پاکستان مذہبی ہم آہنگی اور اقلیتوں کے حقوق کے تحفظ کے لیے پرعزم ہے۔ چیئرمین سینیٹ نے عالمی مسیحی برادری کو بھی مبارکباد پیش کی اور ان کے روشن مستقبل کے لیے نیک خواہشات کا اظہار کیا۔

کریڈٹ: انڈیپنڈنٹ نیوز پاکستان-آئی این پی