چینی وزیر خارجہ وانگ نے جمعرات کو دفتر خارجہ کا دورہ کیا ۔دفتر خارجہ کی جانب سے ایکس پر جاری بیان کے مطابق نائب وزیر اعظم اور وزیر خارجہ سینیٹر اسحق ڈار نے دفتر خارجہ آمد پر وانگ ژی کا استقبال کیا۔بیان میں کہا گیا ہے کہ وہ اہم ملاقاتیں کریں گے جن میں چین اور پاکستان کے درمیان چھٹے اسٹریٹجک ڈائیلاگ بھی شامل ہیں۔یار ہے کہ چین کے وزیرخارجہ وانگ ژی گزشتہ روز پاکستان کے 3 روزہ دورے پر اسلام آباد پہنچے تھے، نائب وزیراعظم اور وزیر خارجہ محمد اسحق ڈار نے نور خان ایئربیس پر ان کا استقبال کیا تھا۔پاکستان کے روایتی لباس میں ملبوس بچوں کے گروپ نے چینی وزیر خارجہ کا خیر مقدم کیا اور پھول پیش کیے، اس موقع پر وزارت خارجہ اور پاکستان میں چینی سفارت کے اعلی حکام بھی موجود تھے۔چینی وزیر خارجہ وانگ ژی نائب وزیراعظم و وزیر خارجہ اسحاق ڈار کی دعوت پر پاکستان آئے ہیں۔

کریڈٹ: انڈیپنڈنٹ نیوز پاکستان-آئی این پی