دبئی سے لاہور کیلئے روانہ ہونے والی نجی ائیر لائن کی پرواز کو فنی خرابی پر واپس دبئی اتار لیا گیا۔ تاہم کئی گھنٹے تاخیر سے طیارہ 210 مسافروں کو لے کر منزل کیلئے روانہ ہوا۔ ائیر لائن ترجمان نے تصدیق کی ہے کہ پرواز پی اے 411 دبئی سے لاہور کیلئے روانہ ہوئی تو ائیر بس اے 321 طیارے کے ہیڈرولک سسٹم میں نقص پیدا ہوا۔ ترجمان نے بتایا کہ طیارہ بلندی پکڑنے میں ناکام ہوا۔ پھر ٹریفک کنٹرولر کی اجازت سے طیارے نے واپس دبئی لینڈنگ کی۔ ترجمان کے مطابق فنی خرابی دور ہونے پر پرواز رات گئے روانہ ہوئی تو اسے لاہور پہنچنے میں 3 گھنٹے تاخیر ہوئی۔

کریڈٹ: انڈیپنڈنٹ نیوز پاکستان-آئی این پی