ضلع گوادر میں دہشتگرد حملے میں شہید ہونے والے فوجیوں کی نمازِ جنازہ ادا کر دی گئی۔ پاک فوج کے شعبہ تعلقات عامہ (آئی ایس پی آر) کے مطابق شہدا کی نمازِ جنازہ پسنی میں ادا کی گئی ۔آئی ایس پی آر کے مطابق نمازِ جنازہ میں اعلی حاضر سروس اور سول انتظامیہ کے افسران نے شرکت کی۔ آئی ایس پی آر کا کہنا ہے کہ پاکستان کی مسلح افواج ملک سے دہشتگردی کی لعنت کے خاتمے کیلئے پرعزم ہے۔ واضح رہے کہ گزشتہ روز بلوچستان کے علاقے پسنی سے اورماڑہ جانے والی سکیورٹی فورسز کی دو گاڑیوں پر دہشتگردوں کے حملے میں 14 فوجی جوان شہید ہوگئے تھے۔

کریڈٹ: انڈیپنڈنٹ نیوز پاکستان-آئی این پی