ضلع خیبر میں چیک پوسٹ پر دہشتگردوں کے حملے کے نتیجے میں شہید پولیس اہلکار کی نماز جنازہ ادا کردی گئی،دہشت گردوں کے حملے میں گزشتہ روز جام شہادت نوش کرنے والے پولیس اہلکارمجیب الرحمن کی نماز جنازہ خیبر پولیس لائین میں ادا کردی گئی،نماز جنازہ میں پولیس ضلعی انتظامیہ سمیت سیکورٹی حکام موجود تھے،شہید کی جسد خاکی پر پھول چڑھائے گئے اور سلامی پیش کی گئی،جسد خاکی کو تدفین کے لئے آبائی علاقہ روانہ کردیاگیا،پولیس ترجمان کے مطابق خیبر کی تحصیل جمرود میں واقع لالا کنڈاؤ چیک پوسٹ پر دہشتگردوں نے رات گئے حملہ کیا،پولیس کی جوابی کارروائی میں دہشتگرد فرار ہوگئے،  پولیس کی جانب سے علاقے میں سرچ آپریشن جاری ہے۔

کریڈٹ: انڈیپنڈنٹ نیوز پاکستان-آئی این پی