پاکستان سمیت دنیا بھر میں انسانی تجارت کی روک تھام کا عالمی دن(آج) 23اگست کو منا یا جائے گا،اس دن کے منانے کا مقصد انسانی غلاموں کی تجارت کے المیہ اور اس کی ممانعت کے متعلق عوامی شعور اجاگر کرنا ہے،اس سلسلے میں حقوق انسانی کی تنظیموں اور این جی اوز کے زیر اہتمام مختلف تقاریب کا اہتمام کیا جائے گا۔تاریخ کے مطالعہ سے معلوم ہوتا ہے کہ انسانوں کو غلام بنا کر ان کی خرید فروخت کے خلاف بغاوت اگست1791ء میں سانتو ڈومینگو (ہیٹی) کی حکومت کے خلاف ہوئی اس بغاوت کے نتیجے میں سانتو ڈومینگو(ہیٹی) میں انسانوں کو غلام بنا کر ان کی تجارت کا گھنائونا کاروبار بند ہوا۔اقوام متحدہ کے ادارے یونیسکو کے زیر اہتمام اس دن کی یاد منانے اور اس کی اہمیت کو اجاگر کرنے کیلئے 23اگست کو انسانی تجارت کے خلاف عالمی دن منانے کا اعلان کیا گیا ابتدائی طور پر سال1998ء میں پہلی مرتبہ ہیٹی میں انسانی تجارت کے خلاف عالمی دن منا یا گیا۔

کریڈٹ: انڈیپنڈنٹ نیوز پاکستان-آئی این پی