لائن آف کنٹرول کے دونوں اطراف اور دنیا بھر میں بسنے والے کشمیریوں نے یوم شہدائے جموں منایا،نومبر 1947ریاست جموں وکشمیر کی تاریخ کا وہ سیاہ ترین مہینہ ہے جس کے پہلے ہفتے میں ڈوگرہ فوج اور ہندو بلوائیوں نے مل کر مقبوضہ جموں و کشمیر کے علاقے جموں میں 3لاکھ سے زائد مسلمانوں کو پاکستان جانے کا جھانسہ دے کر بے دردی سے شہید کیا تھا۔27اکتوبر 1947 کو ریاست جموں و کشمیر کے ایک بڑے حصے پر قبضہ کر کے بھارتی فوج اور ڈوگرہ سامراج نے مسلمانوں کی اکثریت کو اقلیت میں بدلنے کا جو گھنائونا کھیل شروع کیا نومبر 1947سے لے کر آج تک مقبوضہ وادی کے گلی کوچے میں اس کا تسلسل جاری ہے،مقبوضہ جموں و کشمیر میں اب ڈوگرہ راج نہیں لیکن بھارت کے غیر قانونی قبضے کے باعث کشمیریوں کے حالات بد سے بد تر ہو چکے ہیں، آج کے دن عالمی برادری سے مطالبہ کیا جائے گا کہ وہ جنوبی ایشیا میں پائیدار امن کے قیام کیلئے کردار ادا کرے۔

کریڈٹ: انڈیپنڈنٹ نیوز پاکستان-آئی این پی