دنیائے اسلام کے عظیم عالم دین سید سلیمان ندوی کا70واںیوم وفات(آج)22نومبر بدھ کو منایا جائے گا آپ اردو ادب کے نامور سیرت نگار،مئورخ اور مصنف تھے۔علامہ سید سلیمان ندوی 22 نومبر 1884ء کو صوبہ بہار میں پیدا ہوئے تھے، سیرت النبی ۖ کے علاوہ بھی آپ متعدد کتب کے مصنف ہیں آپ کی دیگر تصانیف میں، عرب و ہند کے تعلقات، حیات ِشبلی، رحمت عالم، نقوش سلیمان، حیات امام مالک، یاد رفتگاں، سیر ِافغانستان، مقالات سلیمان، خیام، دروس الادب، خطبات مدراس، ارض القرآن سمیت دیگرشامل ہیں۔قیام پاکستان کے بعد سید سلیمان ندوی جون 1950ء میں پاکستان چلے آئے۔ یہاں آنے کے بعد آپ نے پاکستان کے دستور کو اسلامی خطوط پر ڈھالنے کے لیے بڑا اہم کام کیا اور مختلف مکاتب فکر کے علماء کے ساتھ مل کر دستور کے رہنما اصول مرتب کیے۔سیدسلمان ندوی کی شخصیت کی تعمیر میں علامہ شبلی نعمانی نے سب سے اہم کردار ادا کیا اوران کی وفات کے بعد وہ مولانا کے قائم کردہ ادارے ندوة المصنّفین سے وابستہ ہو گئے۔انہوں نے اس ادارے سے وابستگی کے دوران مولانا شبلی نعمانی کی نامکمل رہ جانے والی سیرت النبیۖ مکمل کی، سیرت النبی ۖ کی ابتدائی دو جلدیں شبلی نعمانی نے مرتب کی تھیں جبکہ باقی چار کی تدوین سلمان ندوی نے کی تھی۔سید سلیمان ندوی نے 22 نومبر 1953ء کو کراچی میں وفات پائی۔ آپ کی نماز جنازہ مفتی محمد شفیع نے پڑھائی اور اسلامیہ کالج کراچی کے احاطے میں علامہ شبیر احمد عثمانی کے پہلو میں آسودہ خاک ہوئے۔

کریڈٹ: انڈیپنڈنٹ نیوز پاکستان-آئی این پی