پاک فوج کے شعبہ تعلقات عامہ(آئی ایس پی آر) کے ڈائریکٹر جنرل لیفٹیننٹ جنرل احمد شریف چوہدری نے فیلڈ مارشل سید عاصم منیر کی صدر بننے کی خبروں کو سراسرجھوٹ قرار دیدیا ہے جبکہ مودی کی دھمکیوں کا دوٹوک انداز میں جواب دیتے ہوئے خبردارکیاہے کہ ہم اس بار ہندوستان کے مشرق سے آغاز کریں گے۔عالمی جریدے دی اکانومسٹ کو دئیے گئے خصوصی انٹرویو میں ڈی جی آئی ایس پی آر نے کہا کہ فیلڈ مارشل سید عاصم منیر کے بارے میں پاکستان کے صدر بننے کی باتیں مکمل طور پر بے بنیاد ہیں۔ انہوں نے کہا کہ معرکہ حق کے بعد جو سیاسی تجزیے کیے جا رہے ہیں، ان کی بھی کوئی حیثیت نہیں، یہ سب غیر ذمہ دارانہ قیاس آرائیاں ہیں جنہیں مسترد کیا جاتا ہے۔بھارتی وزیر اعظم نریندر مودی نے حالیہ دہشت گرد حملوں کا جواب فوجی کارروائی سے دینے کے عزم کا اظہار کیا ہے، جس پر دی اکانومسٹ نے سوال اٹھایا کہ پاکستان، اگر بھارت کوئی فوجی کارروائی کرتا ہے، تو کیا ردعمل دے گا؟۔اس کے جواب میں ڈی جی آئی ایس پی آر نے سخت موقف اختیار کرتے ہوئے کہا: ہم اس بار ہندوستان کے مشرق سے آغاز کریں گے۔انہوں نے مزید کہا کہ اس کی شروعات بھارت کے اندر گہرائی سے حملہ کرنے سے ہوگی، بھارت کو یہ سمجھنے کی ضرورت ہے کہ وہ بھی ہر جگہ مارے جا سکتے ہیں۔

کریڈٹ: انڈیپنڈنٹ نیوز پاکستان-آئی این پی