سی پیک کے تحت فیصل آباد ایس ای زیڈز سے پنجاب میں 31.492 ارب روپے کی سرمایہ کاری آئے گی، علامہ اقبال انڈسٹریل سٹی میں 4.310 ارب روپے، وی اے سی میں 359.05 ملین روپے اور ایم 3 آئی سی، ایس ای زیڈ، پنجاب میں مختلف شعبوں میں 26.823 ارب روپے کی سرمایہ کاری کی جائے گی۔ گوادر پرو کے مطابق علامہ اقبال انڈسٹریل سٹی کے 24ویں اسپیشل اکنامک زون (ایس ای زیڈ)کمیٹی کا اجلاس، ویلیو ایڈیشن سٹی(وی اے سی ) کی آٹھویں ایس ای زیڈ کمیٹی کا اجلاس اور ایس ای زیڈ، فیصل آباد، پنجاب کے ایم تھری انڈسٹریل سٹی (ایم تھری آئی سی) کی 43 ویں ایس ای زیڈ کمیٹی کا اجلاس منعقد ہوا۔ کمیٹی میں بورڈ آف انویسٹمنٹ پاکستان، پنجاب بورڈ آف انویسٹمنٹ اینڈ ٹریڈ اور فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی(فیڈمک)کے نمائندے شامل تھے۔ گوادر پرو کے مطابق انہوں نے مجموعی طور پر پنجاب میں 31.492 ارب روپے کی مجموعی سرمایہ کاری کے ساتھ ایس ای زیڈ نظام میں 44 کاروباری اداروں کے داخلے کی منظوری دی۔ بی او آئی کے سرکاری نوٹیفکیشن کے مطابق علامہ اقبال انڈسٹریل سٹی میں 4.310 ارب روپے، وی اے سی میں 359.05 ملین روپے اور ایم 3 آئی سی، ایس ای زیڈ، پنجاب میں مختلف شعبوں میں 26.823 ارب روپے کی سرمایہ کاری کی جائے گی۔ گوادر پرو کے مطابق انہوں نے کہا کہ کوڈل کی رسمی کارروائی مکمل ہونے کے بعد ان اداروں کو منظوری کا باضابطہ لیٹر جاری کیا جائے گا جس سے وہ ایس ای زیڈز کے مالی فوائد حاصل کرسکیں گے۔

ایس ای زیڈز کے سیکریٹریٹ کی حیثیت سے بی او آئی ان نئے کاروباری اداروں کو 6 ماہ کے اندر اپنی تعمیراتی سرگرمیاں شروع کرنے اور ان کی منظوری کے 24 ماہ کے اندر پیداوار میں آنے کے قابل بنانے کے لئے ہر ممکن سہولت فراہم کرے گا۔ گوادر پرو کے مطابق اے آئی آئی سی ایک ترجیحی ایس ای زیڈ ہے جو تقریبا 3،217 ایکڑ اراضی پر تیار کیا جارہا ہے۔ اسے ایم 3 انڈسٹریل سٹی سے متصل ہونے کا فائدہ ہے ، جو مختلف شعبوں میں بڑی تعداد میں منصوبوں کی میزبانی کرتا ہے۔ اے آئی آئی سی میں سرمایہ کاری کے لئے دلچسپی کے شعبوں میں ٹیکسٹائل، انجینئرنگ، الیکٹریکل اینڈ الیکٹرانک، کیمیکل اینڈ پینٹس، فوڈ پروسیسنگ، فارماسیوٹیکل، آٹوموبائلز، پیکیجنگ اور بلڈنگ میٹریل شامل ہیں۔ گوادر پرو کے مطابق وی اے سی فیڈمک کے بڑے اقدام کا حصہ ہے۔ اس کا مقصد پاکستان میں صنعتی شعبے کی ترقی اور توسیع خاص طور پر ہلکی اور درمیانے درجے کی صنعتوں کے لئے ویلیو ایڈڈ مینوفیکچرنگ اور پیداوار میں کو فروغ دینا ہے. گوادر پرو کے مطابق ایم تھری آئی سی پاکستان کی سب سے بڑی انڈسٹریل اسٹیٹ ہے اور اسے فیڈمک نے بھی تیار کیا ہے۔ اس کا مقصد عالمی معیار کا بنیادی ڈھانچہ فراہم کرکے ، معیار کو یقینی بنانا ، اور ماحول دوست اسٹیٹ مینجمنٹ نقطہ نظر کو برقرار رکھتے ہوئے مینوفیکچرنگ سیکٹر کی ترقی کی حمایت کرنا ہے۔

کریڈٹ: انڈیپنڈنٹ نیوز پاکستان-آئی این پی