فیصل آباد ائیرپورٹ پر شہد کی آڑ میں منشیات دبئی اسمگل کرنے کی کوشش ناکام بنا دی گئی۔ذرائع کے مطابق ایئرپورٹس سیکیورٹی فورس(اے ایس ایف ) نے فیصل آباد ائیرپورٹ سے منشیات اسمگلنگ کی کوشش کرنے والی خاتون اسمگلر کو گرفتار کرلیا ۔اے ایس ایف کے مطابق دبئی جانے والی ملزمہ نے شہد کی بوتلوں میں ہیروئن چھپا رکھی تھی۔ذرائع کے مطابق خاتون ملزمہ کا تعلق شاہکوٹ سے بتایا گیا ہے۔ذرائع نے مزید بتایا کہ شاہکوٹ کی رہائشی ملزمہ کو گرفتار کر کے مزید قانونی کارروائی کے لیے اینٹی نارکوٹکس فورس کے حوالے کردیا گیا ہے۔

کریڈٹ: انڈیپنڈنٹ نیوز پاکستان-آئی این پی