سابق وفاقی وزیر فواد چوہدری کے بھائی فراز چوہدری کو پولیس لائن جہلم سے رہا کردیا گیا۔ جہلم پولیس کی جانب سے فراز چوہدری کو گزشتہ روز تھری ایم پی او کے تحت کچہری سے گرفتار کیا گیا تھا۔ تاہم، گزشتہ رات ہی فراز چوہدری کو پولیس لائن سے رہا کردیا گیا، انکی اہلیہ بینا فراز نے الیکشن کمیشن میں رہائی کے لئے درخواست دائر کی تھی۔ بینا فراز کی جانب سے دائر درخواست میں فراز چوہدری کی گرفتاری کو غیر قانونی قرار دیا گیا تھا۔ فراز چوہدری کو سول لائن پولیس نے تھری ایم پی او کے تحت اس وقت گرفتار کیا تھا جب وہ اپنے بھائی فواد چوہدری کے کاغذات نامزدگی جمع کروانے جہلم کچہری پہنچے تھے۔

کریڈٹ: انڈیپنڈنٹ نیوز پاکستان-آئی این پی