پنجاب اسمبلی میں غیر قانونی بھرتیوں کے کیس میں سابق وزیراعلی چودھری پرویز الہی کے جوڈیشل ریمانڈ میں مزید توسیع کر دی گئی،لاہور کی مقامی عدالت کے جوڈیشل مجسٹریٹ عمران عابد نے چودھری پرویز الہی کے خلاف پنجاب اسمبلی میں غیر قانونی بھرتیوں کے کیس کی سماعت کی،چودھری پرویزالہی کو جوڈیشل ریمانڈ مکمل ہونے کے بعد عدالت پیش نہ کیا گیا تاہم جیل حکام نے ملزم کا وارنٹ عدالت میں پیش کیا،عدالت نے پرویز الہی کے جوڈیشل ریمانڈ میں 4جنوری 2024تک توسیع کرتے ہوئے کیس کی سماعت ملتوی کر دی،یاد رہے کہ اینٹی کرپشن نے پرویز الہی سمیت دیگر کے خلاف مقدمہ درج کر رکھا ہے۔

کریڈٹ: انڈیپنڈنٹ نیوز پاکستان-آئی این پی