سماجی کارکن اور نوبل انعام یافتہ ملالہ یوسف زئی نے ایک بار پھر غزہ میں فوری، مستقل جنگ بندی اور نسل کشی کو روکنے کا مطالبہ کر دیا۔ملالہ یوسف زئی نے سوشل میڈیا پر غزہ میں اسرائیل کی ظلم و بربریت پر شدید تشویش کا اظہار کرتے ہوئے کہا کہ غزہ میں اسرائیل کی ظالمانہ کارروائیاں دیکھ کر اذیت میں ہوں۔ملالہ نے کہا کہ غزہ میں ہزاروں بھوکے بچے ہیں، اسکولوں اور اسپتالوں کی تباہی، انسانی امداد کی راہ میں رکاوٹوں کے سبب رنج میں ہوں۔انہوں نے مزید کہا کہ انسانیت کا تقاضا ہے کہ فوری اور عالمی سطح پر غزہ کے لیے اقدام کیا جائے۔ میں دنیا کے تمام رہنماں سے اپیل کرتی ہوں کہ اسرائیلی حکومت پر زیادہ سے زیادہ دبا ڈالیں تاکہ اس نسل کشی کو روکا جا سکے اور عام شہریوں کا تحفظ یقینی بنایا جا سکے۔گزشتہ دنوں ملالہ یوسف زئی نے جنگ زدہ لبنان میں بچوں کی تعلیم کیلئے ڈیڑھ لاکھ ڈالر عطیہ کیے تھے۔واضح رہے کہ اسرائیل نے غزہ امداد کی 80 روز سے مکمل ناکابندی کر رکھی ہے۔

کریڈٹ: انڈیپنڈنٹ نیوز پاکستان-آئی این پی