گلگت بلتستان کے ماحولیاتی نمونوں میں پولیو وائرس کی تصدیق ہوئی ہے۔ رپورٹ کے مطابق نیشنل انسٹی ٹیوٹ آف ہیلتھ کے ریجنل ریفرنس لیبارٹری برائے پولیو کے مطابق ضلع دیامر سے حاصل کردہ سیوریج (ماحولیاتی) نمونے میں وائلڈ پولیو وائرس ٹائپ ون ( ڈبلیو پی وی1) کی موجودگی کی تصدیق ہوئی ہے۔ایک سرکاری اہلکار نے بتایانے بتایا کہ اس انکشاف کے بعد 14 سے 18 جولائی کے دوران دیامر اور خیبر پختونخوا کے ملحقہ اضلاع میں ایک خصوصی انسداد پولیو مہم چلائی گئی، جس میں ایک لاکھ 59 ہزار 525 بچوں کو پولیو سے بچا کے قطرے پلائے گئے۔انہوں نے مزید کہا کہ پولیو پروگرام بچوں کو مفلوج کر دینے والے پولیو وائرس سے محفوظ رکھنے اور وائرس کے پھیلا کو روکنے کے لیے سخت ویکسی نیشن شیڈول پر عمل کر رہا ہے۔مزید حفاظتی ٹیکہ جات مہمات آئندہ ہفتوں میں بھی جاری رہیں گی۔21 سے 25 جولائی تک خیبر پختونخوا اور بلوچستان کے سرحدی یونین کونسلوں میں ایک خصوصی انسداد پولیو مہم چلائی جارہی ہے اسے افغانستان کی ذیلی قومی پولیو مہم کے ساتھ ہم آہنگ کیا جاسکے۔

کریڈٹ: انڈیپنڈنٹ نیوز پاکستان-آئی این پی