محکمہ پرائس کنٹرول اینڈ کماڈیٹیز مینجمنٹ نے وزیر اعلی پنجاب گندم فنانسنگ پروگرام 2025 کا باقاعدہ نوٹیفکیشن جاری کر دیا ۔ اس اسکیم کے تحت فلور ملز مالکان اور فوڈ گرین لائسنس ہولڈرز کو 100 ارب روپے کی بلاسود فنانسنگ فراہم کی جائے گی تاکہ وہ کاشتکاروں سے گندم کی زیادہ سے زیادہ مقدار خرید سکیں۔نوٹیفکیشن کے مطابق یہ اقدام صوبے میں گندم کی مثر خریداری کو یقینی بنانے اور ذخیرہ اندوزی و مصنوعی قلت جیسے مسائل سے بچنے کے لیے اٹھایا گیا ہے۔ فلور ملز اور گرین لائسنس ہولڈرز 15 جون تک اپنی درخواستیں متعلقہ بینکوں میں جمع کرا سکتے ہیں۔ فنانسنگ پالیسی کی نگرانی ڈی جی فوڈ، کمشنر پنجاب کریں گے جبکہ وزیر خزانہ پنجاب کی سربراہی میں 7 رکنی اسٹیئرنگ کمیٹی بھی قائم کر دی گئی ہے جو اس پروگرام پر عملدرآمد کو مثر طریقے سے مانیٹر کرے گی۔حکومت پنجاب کا کہنا ہے کہ یہ اقدام نہ صرف گندم خریداری مہم کو تیز کرے گا بلکہ قیمتوں میں غیر ضروری اضافے کے رجحان کو بھی روکے گا۔

کریڈٹ: انڈیپنڈنٹ نیوز پاکستان-آئی این پی