حکومت نے آئی ایم ایف سے سیلاب متاثرین کے بجلی بل تین ماہ کیلئے موخر کرنے کی درخواست کردی ہے،آئی ایم ایف نے نقصانات کا ڈیٹا طلب کرلیا،پاور ڈویژن ڈیٹا اسی ہفتے فراہم کرے گا۔میڈیارپورٹ کے مطابق حکومت نے سیلاب سے متاثرہ علاقوں کے مکینوں کیلئے آئی ایم ایف سے بجلی کے بلوں میں ریلیف مانگ لیا، وزیراعظم کی ہدایت پر وزارت خزانہ نے آئی ایم ایف سے بجلی بل موخر کرنے کا مطالبہ کیا ہے،حکام وزارت خزانہ کا کہنا ہے کہ حکومت متاثرین کیلئے مختلف ریلیف آپشنز پر غور کر رہی ہے،بے نظیر انکم سپورٹ پروگرام کے ذریعے ریلیف دینے اور فلڈ پیکج دینے کی تجاویز زیر غور ہیں۔حکام وزارت خزانہ کے مطابق حکومت زرعی ایمرجنسی کا اعلان کرچکی،فارمرز سپورٹ پیکج جلد متوقع ہے،سیلاب سے گجرات،گوجرانوالہ،سیالکوٹ، نارووال،قصور،مظفرگڑھ، ملتان اور بہاولپور شدید متاثر 6 ہزار سے زائد مویشی بہہ گئے، چاول کی فصل بری طرح متاثر ہوئی۔حکام کا کہنا ہے کہ سیلاب سیاب تک 13 لاکھ ایکڑ پرکھڑی فصلیں تباہ،لاکھوں افراد بے گھرہوچکے،لاہور، گوجرانوالہ،فیصل آباد اور ملتان الیکٹرک کے صارفین متاثر ہوئے ہیں۔ سکھر الیکٹرک پر بھی اثرات متوقع ہیں۔

کریڈٹ: انڈیپنڈنٹ نیوز پاکستان-آئی این پی